منتديات همس الحياة

منتديات همس الحياة شخصيات باقلام لا تتوقف عن الابداع
 
الرئيسيةالرئيسية  س .و .جس .و .ج  التسجيلالتسجيل  دخولدخول  

شاطر | 
 

 شعر حلمنتيشى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عادل المصرى
عضو نشيط
عضو نشيط


ذكر
عدد الرسائل : 107
العمر : 48
المزاج : التعارف والصداقه
تاريخ التسجيل : 15/02/2009

مُساهمةموضوع: شعر حلمنتيشى   الثلاثاء فبراير 24, 2009 10:30 am

وكان ياما .. كان



وكان ياما كان ...
وكان الجدع المعجباني ...


والأميرة بنت السلطان ..
وحلوة البنوتة ..


و .. لأ .. لأ كفاية كلام
لا جدع ولا بنوتة
وإقفلوا الحدوتة
وكفاياكوا عيش في الأوهام
جدع إيه وبنت سلطان ليه
عيّشتونا في خيال أحلام
إن الدنيا في خير وسلام
وياللا يا إبني إتغطى ونام
وإحلم ببنت السلطان الحلوة
وغني الغنوة
تلقاها طالة من الشباك
مستنياك
وتاخدها على حصانك وتطير
وتعيشوا في تبات ونبات
وتخلفوا صبيان وبنات
لأ .. ملتوتة ..
مش دي الحدوتة ..
مش دي الدنيا كفاية حرام
وإوعوا تقولوا دا كان زمان
في سالف العصر والأوان
أيام العفاريت والجان
لأ ..
دلوقتي زي زمان
نفس الغل ونفس الحقد
نفس الغيرة ..
نفس عليلة ونفس كبيرة
وكل واحد ماليان حيرة
وماعدتش فارقة
حتى لو نفسك إنكسرت
بتحط جبيرة
وإوعاكوا تقول دي تسالي
بنقولهالكم قبل النوم
هي صحيح تسالي بس بينا
كل ساعة وكل يوم
ليه ؟
ليه تملونا براءة
دي مش دنيا حب وهوى
الدنيا عايزة حداءة
عايزة نصاحة وفهلوة
وسيبكوا من الشاطر حسن
بس الأول قولوا
إشمعنى حسن
ليه مايكونش حسين
وللا بهادر
لأ .. إحكولنا حكاية الشاطر
اللي بتراب الفلوس
هبش القناطر
ومتين فدان
وجرف الأرض وإداها عماير
وعالكل يدوس
خلونا نعرف مين فينا الناصح
ومين المنحوس
مين فينا هايعيش في تبات
مين فينا هايوج يهج
ومين فيها هايبات
وفهمونا .. يطلع إيه التبات
وإزاي نعيش فيه مرتاحين
لأ والأكادة .. وإحنا مخلفين
صبيان وبنات
طب ورونا جدعكوا المعجباني
يمكن نفهم إيه التبات
ولا بلاش ..
لحسن الكلمة في زوره تنحاش


بعد ما خد بنت السلطان
الحلوة الأمورة


وراح يدوّر عالتبات مالقاش
وإتورّط في صبيان وبنات
عايش دلوقتي مع الأوباش
إنسوا ..
إنسوا كل حواديتكوا البايتة
ملهاش عازة
حواديت عصرنا أحلى بكتير
حواديت طازة
وبدال صندوق الدنيا
عندنا ملايين من الصناديق
وحكاويها بحق وحقيق
بناكل في لحم بعضنا
وبنشرب الدم على غيار الريق


وإرحمونا من الأميرة الحلوة
بنت السلطان


وجدعكوا المعجباني أبو حصان
وزمن الفرسان
وإنسوا كمان .. كان يا ما كان
لو عايزين تحكوا
إحكولنا عن الزمن الحالي
عن دي الدنيا
سيبكم من صندوقكوا البالي
صناديقنا شغالة طوالي
ثانية بثانية
حواديتها مليانة أخبار
بتعرفنا العيشة إزاي
من غير عفريت ولا مارد
ولا حتى الجان
إنتوا بتحكوا عن وهم الأوهام
عن الإنسان
وده في زماننا إنقرض
أو بقى قارض
حل محله إبليس شيطان
في توب وملامح إنسان
يا علاء الدين ويا سندباد
خليكوا عن عقولنا بعاد
فات الميعاد
ولا شئ هاينعاد
لا سعاد ولا ياسمينه
سيبونا نعيش ليالينا
حتى ولو حزينة
بس نعيشها وإحنا فاهمين
إن مافيش مصباح يا علاء الدين
ولا مارد ولاتنين
غير بس من البني آدمين
اللي للدم مصاصين
زي دراكولا
يوئد البنات ويقتل البنين
عشان عربية وفيللا
يتحوّل جودزيللا
خلاص بقى وفات اللي فات
مافيش عندنا لا تبات ولا نبات
ولا سكّر نبات
إرموا حواديتكم ويّا المخلفات
كفايانا حكايات .. كفايانا حكايات


***********************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
omayma7456
الادارة
الادارة
avatar

انثى
عدد الرسائل : 1094
العمر : 21
المزاج : رايق
تاريخ التسجيل : 03/01/2009

مُساهمةموضوع: رد: شعر حلمنتيشى   الثلاثاء فبراير 24, 2009 10:35 am

عادل المبدع اي ابدآع هذا!!

ومااروعها من كلمات..


اختيارك راقي وراق لي

..وأنا قبل أن آغـآدر .. سسوٍف أحكي لصفحتـك ..

بأنهـآ رآقيـه .. وطرحهـآ مميزٍ .. ونآقلهـآ أرٍوٍعٍ ..

لاعدمنـآ هالاحسسآس ..

تقبل مروورى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://h-hayat.yoo7.com
imilia
عضو نشيط
عضو نشيط


انثى
عدد الرسائل : 131
العمر : 24
المزاج : تمام
تاريخ التسجيل : 03/01/2009

مُساهمةموضوع: رد: شعر حلمنتيشى   الثلاثاء فبراير 24, 2009 10:37 am



مااروع تلك الكلمات

ومااعذبها حين يقراها اللسان

ابدعت فرير

دمت بود


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسام
عضو مميز
عضو مميز
avatar

ذكر
عدد الرسائل : 242
العمر : 40
المزاج : مبسوط
تاريخ التسجيل : 14/02/2009

مُساهمةموضوع: رد: شعر حلمنتيشى   الثلاثاء فبراير 24, 2009 7:05 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sabrina
عضو فضي
عضو فضي
avatar

انثى
عدد الرسائل : 470
العمر : 27
الموقع : www.h-hayat.yoo7.com
المزاج : رايق
تاريخ التسجيل : 03/01/2009

مُساهمةموضوع: رد: شعر حلمنتيشى   الخميس فبراير 26, 2009 8:33 am

شكرااااا لك على الموضوع الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صفاء
الادارة
الادارة
avatar

انثى
عدد الرسائل : 1233
العمر : 38
المزاج : راااايق
تاريخ التسجيل : 03/01/2009

مُساهمةموضوع: رد: شعر حلمنتيشى   الخميس فبراير 26, 2009 10:53 am

كل الشكر لك أخي عادل على هذا المجهود الرائع
بنتظار جديدك
دمت بخير...

_________________
لا تتخيل كل الناس ملائكة فتنهار احلامك ولا تجعل ثقتك بهم عمياء, لانك ستبكي على سذاجتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعر حلمنتيشى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات همس الحياة  :: ~¤ôô¤~المنتديات الأدبية~¤ôô¤~ :: ღ الشعر والخواطر ღ-
انتقل الى: